தீயாக நீ

தீ சுடுமென யாரோ சொல்ல
தீண்டினேன் உனை
தீ சுடுவதோடு
சிலிர்க்கவும் செய்கிறது

நல்லவேளை ஆதிகாலத்தில்
நீயில்லை- தீயின் தன்மை
நிமிடத்துக்கு நிமிடம் மாறுமென
இன்று நான் படித்துக்கொண்டிருப்பேன்

தீயின் தன்மை எரிப்பதாம்
எதனையும் எரிக்காதா தீ-நீ
தீ தீண்டி எரிந்திருப்போர் பலரிருக்க
எரியாமல் நான்

தீயின் மேல் நீர்த்துளிகள்
உன்மேல் பூத்திருக்கும்
வியர்வைத்துளிகள்
பார்வைக்கு கண்கள் மட்டும்தான்
தீயாகத்தெரிகிறது-தீண்டினால்
உடலெங்கும் தீயாய்ச்சுடுகிறது
உள்ளம் உருகிப்போகிறேன்
உன்னைப்பார்க்கும் போதெல்லாம்
நானும் மெழுகுதானோ??